BUTUAN CITY – Mitala na usab og laing pagpamusil ang dakbayan sa Butuan diin ning higayona usa ka kapitan ang napatay. Natigayon ang pagpamusil alas 7:00 sa gabii sa Barangay Sto.Niño, Butuan City diin ang biktima mao si Kapitan Florencio “Loloy” Cagas.
Sa nahipos nga impormasyon ning sibyahan gikan kang Kagawad Jose Sawsa, gibutyag niining gabii na mag-ulian si Kapitan diin niadtong higayona niadto kini sa tindahan sa dihang dunay duha ka tawo nga midool kaniya, naka-facemask og naka jacket rasong dili maklaro ang nawong.
Duna matud pay gipakita ang mga suspek diha sa cellphone kung naka-ila ba ang kapitan niini. Apan sa dihang wala nailhan kini sa kapitan, giuli sa suspek ang cellphone diha sa iyang bag og didto na gipusil ang kapitan.
Nahagba gelayon ang biktima samtang ang suspek miaksiyon na og sibat apan mibalik kini og gitiwasan sa pagtiro ang biktima.
Dinhe na nisibat ang mga suspek sakay sa single motor nga naghulat ra usab sa unahan samtang ang kapitan daling gidala sa ospital pinaagi sa rescue vehicle apan wala na matud pa kini naka-abot nga buhi.
Subay niini hilabihan ang kakurat sa mga tawo tungod kay hilabihan kabootan ang pag-ila nila sa kapitan diin wala matud pa kini bisyu./
Na-kordon usab ang lugar sa kapulisan samtang padayon ang ilang gihimong imbestigasyon.
Alayon sa maong panghitabo, daghan ang nagpadayag sa ilang kabalaka sa sunod-sunod na nga natigayong pagpamusil sa Butuan City ilabina kay hangtud ning panahona wala pay natumbok o nadakpang mga suspetsado.
