BUTUAN CITY- Inagurahan ugmang adlawa ang Siargao’s Big-Ticket Infrastructure Projects nga pangunahan mismo ni Pangulong Rodrigo Roa Duterte.
Gilangkuban ang duha ka Big – Ticket Infrastructure Projects sa Siargao Island Sports ug Tourism Complex sa Dapa ingun man ang Catangnan-Cabitoonan Bridge ug Libertad Bridge 1&2 sa General Luna.
Madumduman nga ubos sa administration ni kanhi Gov. Sol F. Matugas, gisugdan ang construction sa Siargao Island Sports ug Tourism Complex naidtong 2015 kondiin gipadayon usab kini pinaagi ni Gov. Francisco Matugas pinaagi sa paghatag dugang pondo alang sa pagkompleto niini isip parte saiyang priority development agenda, ang pagpalambo sa health and wellness program.
Nakompleto lamang ang hago sa Provincial Government pinaagi ni 1st District Representative, Cong. Francisco Jose ” Bingo” Matugas 11, kansang pasalig ug hugot nga tinguha sa pagpalig-on sa sports ug tourism nga kalamboan sa isla mao usab ang nahimong posible sa pagpundo sa dugang mga pasilidad uban sa suporta gikan sa Nasyonal nga Gobyerno ubos sa “Build, Build, Build” Program ni President Rodrigo Roa Duterte, pinaagi sa Department of Public Works and Highways.
Ang 6.3 ka ektarya nga Sports and Tourism Complex nga adunay kinatibuk-ang kantidad nga Php.630,209,638.12 nga mag-host sa nasyonal ug internasyonal sports ug turismo nga mga kalihokan nga adunay mga world-class facilities ug amenities kondiin ang Siargao Sports Complex gymnasium dunay maximum seating capacity nga muabot sa 1,632 ka mga indibidwal uban ang Multi-purpose Building nga dunay basketball, volleyball ug badminton courts; Siargao Sports High School nga dunay Dormitory comprises nga duha ka andana ug unom ka mga classroom multi-purpose buildings nga nagsilbi isip Primary Sports Development and Training Center ug Dormitory alang sa mga atleta.Kini maghatag venue sa mga local students-athletes sa pagpalambo sa sports ingun man mag abli usab og oportunidad alang sa pagpalambo sa ilang mga kahanas sa sports.
Lakip pa niini ang Rubberized athletic oval ug duha ka grandstand / multi purpose buildings;Soccer field;Swimming pool; ug Convention Center. Samtang, ang Catangnan-Cabitoonan Bridge, Libertad Bridge 1 & 2 sa General Luna maoy laing gipangandoy nga imprastraktura nga proyekto ni kanhi Gobernador Sol F. Matugas nga nahimong realidad sa mga Siargaonon.
Kining tulo ka tay-tayan nakakonektar sa mga barangay sa Sta. Cruz, Sta. Fe, Libertad, Cabitoonan ug Catangnan, isip pagpausbaw sa accessibility ug paglihok sa mga tawo, mga butang ug mga serbisyo, ngadto ug gikan sa sentro sa turismo sa isla.
Ang tulo ka lane sa tulay sa General Luna-ang Catangnan-Cabitoonan Bridge nga adunay kinatibuk-ang gitas-on nga 348.8 linear meters, Libertad Bridge 1 nga adunay gitas-on nga 85.8 linear meter ug Libertad Bridge 2 nga dunay gitas-on nga 36.8 linear meter nga mikabat sa Php 434 Milyon.
Ang paghuman sa maong mga taytayan nahimong posible ni Cong. Francisco Jose “Bingo” F. Matugas nga walay hunong nga nagtrabaho hangtod nga natuman ang panan-awon.
