BUTUAN CITY – Temporaryong gisuspende sa Coast Guard Station-Surigao del Norte sugod kaganinang buntag ang biyahe sa mga sakyanang pandagat nga sakop sa ilang area of responsibility tungod sa bagyong Jolina.
Kini human gipa-ilalom sa tropical cyclone wind signal number 1 ang Dinagat Islands province apil na ang Siargao ug Bucas Grande Islands sa Surigao del Norte.
Sa gipagawas nga notice to mariners ni PCG commander Elaine Pangilinan, gitambagan niini ang tanang mga sakyanang pandagat nga magpatuman og precautionary measures ug mahimong vigilant hangtud nga dili pa magpagawas og bag-ong notisya ang iyang buhatan.
Gipadayag usab niining libreng maka-take shelter ang uban pang mga sakyanang pandagat nga gustong makalikay sa paghaguros sa bagyo.
