BUTUAN CITY- Ipatuman sugod ugmang adlawa ang bag-ong curfew hours nga magsugod sa alas 8 sa gabii hangtod sa alas 4 sa kaadlawon. Kini isip pagpahugot sa covid-19 measures batok sa pagkaylap sa virus.
Samtang ipatuman usab ang total liquor ban sa tibook municipalidad nga lugwayan pa gikan sa Setyembre 6 hangtod sa 13. Ang maong kamanduan sukwahi sa gipagawas usab nga Advisory ni Mayor Georgia Gokiankee nga mao ang hingpit nga pagkansela sa Municipalidad sa Claver Surigao del Norte ang pagselebrar sa ilang fiesta nga mahitabo unta sa Setyembre 8 hangtod 9, kini isip precautionary measures batok sa covid-19.
Tungod niini hugot nga giawhag sa Local government Unit sa Claver ang publiko nga ikansela ang mga panagtapok ingun man community events nga maoy magmugna og panagtapok sa daghang mga tao, bisita, guests at arms length’s.
Dugang pa niini, giawhag usab ang publiko sa hugot nga pag obserba sa minimum health protocols sama sa social distancing, pagsuot og facemask ingun man faceshields.
Tungod niini, ipatuman ang total liquor ban gikan sa Setyembre 7 hangtod 9 sa municipalidad sa Claver.
Samtang, ang tanang restuarants, sari-sari store ingun man ubang mga establishemento,strikong gipahimangnuan sa LGU-Claver nga mamahimong mapahamtangan og One Strike Rule ang mga dili musunod nga mga establishemento sa maong protocols.
