BUTUAN CITY – Istriktong gipatuman sa Coast Guard Station Surigao del Norte pagpanguna ni station commander Commodore Elaine Pangilinan sa ilang area of responsibility, ang Executive Order No. 21-029 series of 2021 kansa mas nailang kamanduang nagpatuman og mas istriktong temporary measures ngadto sa mga biyahidor nga mupadulong o kaha mulabay man lang sa lalawiga sa Surigao del Norte.
Nasulod usab sa maong kamanduan ang temporaryong pagbawal una sa face-to-face meetings, training, ug seminars sugod kagahapong adlawa, Agusto 11.
Alayon niini, naghi-usa sila sa mga personahe usab sa Philippine Ports Authority (PPA), Philippine National Police (PNP), PNP Maritime Group ug Surigao City Disaster Risk Reduction and Management Office, sa paglusad og verification sa mahinungdanong mga documentary requirements sa mga otorisadong pasaherong exempted sa travel restriction sama niadtong mga Authorized Persons Outside Residence kon APOR ug mga rolling cargoes nga duna’y kargang mga essential goods sa pag-abot sa mga niini Surigao baseport ug sa Lipata Port.
Milampos ang pagpatuman sa bag-ong Executive Order uban sa pag-abag sa uban pang mga PCG units gikan sa Cebu ug Southern Leyte kinsa maoy makuting misusi ug nag-inspect sa mga pertinenteng requirements gikan sa ilang point of origin adiser msakay sa mga barko.
Gimanduan na usab ni Commodore Pangilinan ang mga shipping companies nga musunod sa bag-ong gipagawas nga Executive Order dayong pahinumdom sa ilang obligasyon aron malikayan ang mga sanctions subay sa nagtunhay nga balaud, patakaran og regulasyon.
