BUTUAN CITY – Pangita-an na og negative swab test result sa coronavirus disease kon COVID-10 ang mga travelers, lakip ang mga residente sa Dinagat Islands adiser tugutang makasulod sa probinsya.
Sa usa ka Executive Order (EO) 08-01 nga gipagawas ning nakalabay nga adlaw, gibutyag ni Governor Arlene “Kaka” Bag-ao nga kini lakip sa lakang sa probinsya aron mapugngan ang posibleng pagsulod sa Delta variant, kansa ang maong probinsya kasamtangan napailalom sa General Community Quarantine (GCQ) gikan August 1 hantod 31.
Gibutyag usab sa gobernadora nga, as of August 1, nakatala ang probinsya og kinatibuk-ang 1,205 Covid-19 cases, nga adunay 1,106 recoveries, 35 nga aktibong kaso ug 64 ang namatay.
Gidugang ni Gov. Bag-ao nga bisan ang mga fully vaccinated residents pangitaan gihapon og negatibong resulta sa RT-PCR sanglit wala pa na abot sa Dinagat Islands ang population protection.
Ubos sa bag-ong EO, ang mga residente nga dili maka-comply sa gi-require nga negative reverse transcription-polymerase chain reaction kon (RT-PCR) test result mamahimo hinuon gihapong magpailalom sa 10-day quarantine ubos sa supervision sa municipal governments.
