BUTUAN CITY- Gipailalom na sa Blue Alert Status sa Municipal Disaster Risk Reduction and Management Council kon MDRRMC ang municipalidad sa Tubajon sa probinsya sa Dinagat Islands, kini tungod sa bagyong Bising nga posibleng makaapekto sa maong lugar.
Mi-koordinar na usab ang mga national line agencies sama sa kapulisan ug BFP ingon man community volunteers sulod sa maong municipalidad alang sa poisbleng himoong aksyon.
Pabilin usab nga gipa implementa sa maong municipalidad ang pagbawal sa paglawig sa mga sakyanang pandagat.
Samtang ang tanang mga Barangay Municipal Disaster Risk Reduction and Management Council kon BDRRMC gitambagan na nga mohimo og pre-emptive evacuation sa mga residente nga nagpuyo sa mga high risk areas nga prone sa baha, landslide ug storm surge kung gikinahanglan.
Samtang gipahibalo usab ang tanang residente sa Tubajon nga mohimo og saktong precautionary measures aron masiguro ang kaluwasan sa ilang myembro sa pamilya ingon man ang pag obserba .sa health protocols sa tanang barangay’s.
