BUTUAN CITY – Natugyan na sa Bislig City local government sa Surigao del Sur uban sa mga personahe sa City Environment and Natural Resources kon CENRO ngadto sa Pag-asa Farms Wildlife Rescue Center sa Davao City ang usa ka 11-ka tiil na nga saltwater crocodile nga nadakpan samtang misulod sa usa ka fish pond sa Brgy. Pamanlinan sa maong siyudad.
Sa eksklusibong pakighinabi sa Bombo Radyo Butuan, gipadayag ni CENRO Nathaniel Racho nga pasado alas-10:30 niadtong Abril 12 sa gabii dihang nabantayan sa mga tawo sa fish pond nga gipanag-iyahan Alfredo Bernosa nga pasulod na kini nga nabantayan na pagkabuntag nga nasangit na kini sa ilang pukot rason nga ila gilayon kining gihiktan dayong tawag sa ilang buhatan.
Sila na dayon ang nakig-alayon sa Consultative Development Division sa Department of Environment and Natural Resources kon DENR-Caraga alang sa luwas nga pag-rescue sa maong buaya kansa anaa na na karon sa insaktong pag-atiman sa gidalhan niining wildlife rescue center.
