BUTUAN CITY – Mitala og unang pinakataas nga kaso sa COVID-19 ang Caraga Region sa unang buwan sa tuig 2021 kondiin 65 ang mga bag-ong kaso nga natala kagahapong adlawa nga nag edad sa 21 hangtod 50 anyos kondiin 33 ang mga babaYe ug 32 ang mga lalaki.
Sa bag-ong ihap, nag una ang Agusan del Sur nga dunay 20 ka mga kaso nga gilangkuban sa San Francisco-12, Prosperidad- 6 samtang tag usa sa Lapaz og San Luis.
Gisundan kini sa Butuan City nga dunay 11 ka mga kaso nga nabahin sa Barangay Doongan-4, Basag- 2 samtang tag usa sa Bayanihan, Diego Silang, Kinamlutan, Libertad ug Villa Kanangga.
Mitala usab og 9 ka mga kaso ang Agusan del Norte nga nabahin sa Nasipit-7 ug tag usa sa Kitcharao ug Magallanes samtang 9 usab ka kaso gikan sa Bayugan City kondiin tag upat gikan sa Poblacion ug Santa Irene ingon man 1 ka kaso sa Taglatawan.
Dunay 6 usab ka kaso nga natala sa Tandag City nga nabahin sa Rosario-4, tag usa sa Bagong Lungsod ug Telaje samtang 5 gikan sa Surigao del Sur nga ang taga San Miguel-2, ug tag usa sa Cantilan, Carmen og Lanuza, 3 usab ka kaso gikan sa San Jose Dinagat Islands, samtang tag usa ka kaso gikan sa Canlalipa sa Surigao City ug San Roque sa Bislig City.
Ang nasangpit nga ihap, 30 sa mga niini asymptomatic, 34 ang mild ug 1 ang critical.
As of January 1,2021 mitala og usa ka patay sa COVID-19 nga mao ang usa ka 49 anyos nga lalaki gikan sa San Francisco Agusan del Sur kansa namatay niadtong December 30,2020.
Sa kasamtangan ang kinatibuk-ang kaso sa Caraga Region anaa na sa 4,693 samtang 440 ang pabiling aktibong kaso, 4,044 ang mga nakarekober ug 209 na ang nakabsan sa kinabuhi
