BUTUAN CITY – Mi-abot na karon sa 2,337 ka mga cumulative confirmed cases ang natala sa Caraga Region human kini nadugangan og 69 ning adlawa samtang 4 ang bag-ong patay kondiin sa mga bag-ong kaso, 56-porsiento kanila ang wala’y simtomas kon asymptomatic ug 44-porsiento ang duna’y gipakitang mga simtomas.
Ang nakatala og pinakadaghang mga bag-ong kaso mao ang Surigao City nga mi-abot sa 30, gisundan kini sa Butuan CIty nga duna’y 19, taglima sa Bislig City ingon man Surigao del Norte ug Sur, ug tag-usa na ka kaso sa Bayugan City, Agusan del SUr, Dinagat Islands, Surigao del Norte ug Cabadbaran City.
Sa pagkakaron, mi-abot sa 735 ang bag-ong mga aktibong kaso rason nga sa kinatibuk-an, anaa na sa 1,502 ang total recoveries ug 100 na ang kinatibuk-ang patay.
Ang ihap sa mga namatay, nabahin sa dakbayan sa Butuan nga duna’y pinakadaghan nga mi-abot sa 44, Surigao City-19; Bislig City-17; Agusan del Norte -7; Agusan del Sur – 4; Surigao del Sur -3; tagduha sa Surigao del Norte ug tandag City samtang tag-usa sa Dinagat Islands ukg Bayugnm City ukg wla pa’y natalang patay sa Cabadbaran City.
