BUTUAN CITY – Wala na maluwas pa ang usa ka senior citizen human kini gipusil sa mga armadong lalaki samtang anaa sulod sa iyang balay pasado alas-11:41 kagabii.
Sigon ni PCpl Choljie Gumpay, nakadawat sila og tawag gikan kang Kring-Kring Leyson nga nagpahibalo kanilang gipusil ang iyang amahang si Rolando Leyson Sr., 78-anyos sulod sa ilang pinuy-anan sa Km. 20, Purok 5, Brgy. San Pedro, Sison, Surigao del Norte.
Sa pag-abot sa responding team sa crime scene, dali nilang gidala ang biktima ngadto sa Caraga Regional Hospital alang sa dinali-ang pagtambal.
Base sa ilang imbestigasyon sa mga nakasaksi , natigayon kini pasado alas-11:20 kagabii dihang lima ka mga armadong lalaki ang nagpatungod sa balay sa biktima kondiin usa kanila ang duna’y dalang taas nga armas nga gitu-uhang M16 rifle nga duna’y silencer ug laser, samtang ang laing tulo duna’y bitbit nga short firearms samtang M16 rifle usab ang laing usa nga anaa lang naghuwat gawas sa balay.
Dihang anaa na tungod sa balay ang mga lalaki, gipagawas ang tanan nga anaa sa sulod rason nga gipangutana sila sa biktma kinsa anaa sa iyang kwarto kung unsa ang ilang tuyo.
DInhi na siya gipusil sa nagbitbit og M16 rifle nga duna’y silencer nga gisudan usab sa iyang ka-ubanan dayong sibat padulong sa direksyon sa Butuan, sakay sa usa ka itom nga Fortuner SUV vehicle.
Narekober sa crime scene ang 12 ka gitira nang cartridges sa M16 rifle, unom ka gitirang bala 9mm pistol, ug usa ka gitirang bala sa M16 rifle. Kini gawas pa sa narekober sa SOCO team nga usa ka cal. 22 rifle ng duna’y scope ug gitu-uhang gipanag-[iyahan sa biktima.
