BUTUAN CITY – Nangayo og public apology ang buhatan sa Municipal Tourism Office sa lungsod sa San Agustin, Surigao del Sur ngadto sa mga bisitang gikan sa dakbayan sa Butuan.
May kalambigitan kini sa una na nilang kontrobersyal nga post kagabii nga nagpahibalong bukas na ang Britania Island sa Brgy. Britania pagdawat og mga turistang Caraganons gawas lang sa taga-Butuan.
Sa ilang latest post ning gabhi-una, giklaro sa maong buhatan nga nagbasol sila sa una nilang post dungan sa pagpasabot nga wala sila’y intensyon nga mu-discriminate ni bisan kinsa diha sa ilang official Facebook page.
Kini ang hinungdan nga sa ilang tigom kaganina uban sa mga opisyal sa lokal nga kagamhanan, gipagawas ni Mayor Libertad Alameda ang Executive Order No. 40-2020.
