BUTUAN CITY – Nagmalampuson ang gihimong entrapment operation sa mga personahe gikan sa Intelligence Division sa Police Regional Office kon PRO-13 dinhe sa siyudad sa Butuan batuk sa nameke og Covid-19 negative results.
Gihimo ang operasyon sa usa ka ZU computer shop sa may San Francisco Street, Barangay Sikatuna pasado alas 2:20 sa hapon.
Naila ang suspetsado nga si ERIC DORADO CAILING, 34-anyos, olitawo Purok-5b, Silad Mahogany, data encoder og gi-angkon ang maong kalapasan samtang milimod usab nga dunay kalabutan sa kremin sila RAYMUNDO ALBAY VELOSO JR, 66-anyos, menyu, ang rubber stamp maker nga nagpuyo sa P-4 Barangay Cabcabon; og si EX NATHANIEL RAMOS ENRIQUEZ, 34 anyos, rubbers stamp maker nga residente sa P13 Olingan, Barangay Tabon-Tabon, Sibagat, Agusan del Sur.
Namaligya ang mga niini og negatibong resulta sa Covid-19 sa kantidad nga 500 pesos.
Nakumpiska gikan sa posisyon sa mga suspetsado ang duha ka fake covid rapid result og duha ka 500 peso bill nga marked money. Gikustudiya na sa Butuan City Police Station-1 ang mga dinakpan lakip na ang nakuhang mga butang alang sa tukmang disposasyon.
Sa eksklusibong pakighinabi ning sibyahan kang Police Lt. Avila, gikumpirma niining miangkon ang suspek nga encoder nga dugay na kining nagpahigayon sa maong modus samtang gipanghimakak usab kini sa laing duha dungan sa pagpasabot nga igo lang silang nanukot dihang gihimo ang operasyon.
Kini ang rason nga kumpiskahon og apil ang mga computers aron sa ingon mahibal-an kung kinsa pa ang na-isyuhan niini og peke nga Covid-19 results.
Ang dugang detalye atangi sa Bombo Radyo…
