BUTUAN CITY – Gikadismaya sa pamilya sa usa ka 59-anyos nga lalaking taga-Brgy. San Ignacio ning siyudad kinsa mao matud pa ang ika-upat nga COVID-19 positive ning siyudad nga namatay tungod sa wala’y klarong dioagnosis nga gipagawas sa mga medical experts sa Cagayan de Oro City kalabot sa iyang gihambing balatian.
Kini human sa paspas matud pang nagbutyag ang taga-Department of Helath kon DOH-Region 12 nga COVID-19 positive kini taliwa nga nagpagawas na og death certificate ang doktor nga namatya kini sa cardiac arrest.
Sa eksklusibong pakighinabi ning sibyahan ngadto sa bayaw sa biktima, nasayran nga niadtong Nobyembre 2018, gidala ang biktima sa Cagayan de Oro City tungod sa paglisod og paginhawa diin na-admit siya tungod sa enlargement of the heart rason nga giresitahan na usab siya sa iyang tumadang maintenance.
Daan na matud pa silang gipasidan-an sa doktor nga mubalik ra ang maong sakit hinungdan nga dili angayang mukumpyansa.
Niadtong Agusto 25, gihangak matud pa kini rason nga mi-adto gilayon sila sa Cagayan de Oro City ug dihang naka-inom og salabat, na-trigger ang iyang sakit og dinhi na kini naglisod pagginhawa rason nga gidala kini sa doktor sa ultanan sa Medina ug Gingoog City sakop sa Misamis Oriental ug gidala sa ambulansya padulong sa provincial hospital sa Cagayan de Oro City.
Saysay sa anak niini, dugay pa na-atiman sa mga doktor ang biktima adiser gisulod sa emergency room og gipahibalo na lang ang mga anak nga kritikal na kini human mi-atake kaduha ka higayon ang sakit sa kasing-kasing hangtud nga namatay na.
Gisabutan na sa pamilya niini nga dalhon dinhi sa Butuan ang patay’ng lawas sa biktima rason nga nakig-alayon slla sa lokal nga kagamhanan sa Cayan de Oro City hangtud nga human nakakuha og medical reports gikan sa ospital, gikuha gilayon sa usa ka punerarya sa maong siyudad ang patay’ng lawas kondiin na-isyuhan usab sila og travel pass.
Apan dako na lang ang ilang kakurat dihang paglabay sa pipila ka oras, duna na’y miduol nga mga pulis uban ang mga personahe gikan sa Department of Health kon DOH-Region 10 aron kuhaon ang patay tungod kay i-cremate kini human matud pa gidudahang positibo sa COVID-19 ug mi-angkon matud pa ang doktor niining nasayop siya sa una niyang diagnosis.
Kini ang ilang gikatingala nganong nagka-COVID nga wala man kini kuhai og swab sample aron maoyipa-ilalom sa RT-PCR test.
