BUTUAN CITY – Way swerteng nakabsan sa kinabuhi ang usa ka forester nga naghimo sa iyang trabaho human kini gipaak sa tambubu-an sa may Sitio Payong-payong, Barangay Tinigbasan sakop sa bayan ng Tubay, Agusan Del Norte kagahapon.
Sa pakighinabi ning sibyahan kang Eric Gallego, Regional Information Officer sa Department of Environment and Natural Resources kon DENR-Caraga, giila niini ang biktimang si Barlo Abarte, 60-anyos kansa team leader nga miresponde sa taho mahitungod sa illegal logging.
Sumala pa ni Gallego nga samtang kumulo ang assesment sa opisyal kauban ang 5 pa, wala nabantayan ang balay sa tambobo-an hinungdan sila gipangpa-ak.
Ang team leader ang naka-angkon sa daghang mga pinaakan nga maoy hinungdan sa iyang pagka-ospital apan wala na niini na-antos ang kasakit rason sa iyang kamatayon.
Sumala pa ni Gallego, nga muabot sa 41 ka sting o tusok sa tambobo-an ang nakuha gikan sa lawas sa biktima.
Bisan paman sa hitabo, nahimong malampuson ang operasyon sa grupo sa biktima human nakumpiska ang mga illegal nga kahoy.
Lakip sa nadakpan ang 5 ka motorsiklo samtang ang mga suspetsado gidala sa police station alang sa pagpasaka usab sa tukmang kaso./
