BUTUAN CITY – Nagpatala sa Butuan City Police Station 4 ang usa ka benepisyaryo sa Social Amelioration Program kon SAP human siya gibaharan sa ilang purok president dihang wala niya hatagi og porsiento sa iyang nadawat alang sa pang-snack niini.
Naila ang reklamanteng si Nica Auman, residente sa Purok 7, Brgy. Cabcabon ning siyudad samtang ang ilang purok presidente nailang si Adela Pelepog.
Sa eksklusibong pakighinabi sa Bombo Radyo Butuan, gipadayag ni Auman nga dihang wala pa niya madawat ang 5-mil pesos nga bahin niya sa SAP, gipahinumduman na siya ni Pilitog nga gahinan siya’g pang-snack ug dihang wala niya kini buhata, nasuko kini og gipanabi matud pa siya niini rason nga iya kining gisukmatan didto sa panimalay hangtud nga gi-apas na siya sa iyang igsoon ug gipapa-uli.
Sa iyang pagpa-uli, gi-apas na siya ni Pinitog kinsa labihang sukua dayong lambos sa dala niining papel ngadto kaniya ug nagbahad nga ipapatay siya sa mga anak niini rason nga dali siyang nagpa-blotter.
