BUTUAN CITY – Usa ka 24-anyos nga lalaking gidala sa Caraga Regional Hospital (CRH) sa Surigao City ang namatay paglabay sa kapin usa ka oras human kini gi-atiman ug gi-categorize isip ‘Patient under investigation’ kon PUI niadtong Marso 26 kon niadto lang Miyerkules.
Gikonsidera siyang PUI tungod sa iyang pagbiyahe sa usa ka lugar nga positibo sa kaso sa coronavirus disease kon Covid-19 ingon m an pagpakita og simtomas sa maong sakiit nga mao ang ubo.
Sigon ni Department of Health-Caraga (DOH-13) director Jose Llacuna Jr., adiser gidala sa CRH, una nang gidala ang biktima sa usa ka pribadong ospital tungod sa iyang chronic renal failure.
Nasayrang duha ka adlaw adiser ang pagdala kaniya sa ospital, gi –ubo na kini, gisip-on ug gihilantan.
Gi-dialysis pa siya sa iyang pagka-admit apan wala mulurang ang iyang kondisyon rason nga gi-refer kini ngadto sa usa ka doktor sa Surigao City apan tungod sa iyang history of travel sa lugar nga positibo sa Covid-19 ug tungod sa iyang ubo, otomatiko siyang gikonsiderang PUI ug isip pagsunod sa protocol, gi-refer gilayon siya ngadto sa CRH sa Surigao City.
Gi-atiman gilayon kini sa Emergency Room tungod sa paglisod na niya sa pagginhawa og paglabay sa usa ka oras, nakutluan na kini sa iyang kinabuhi kondiin wala pa kini na-admit
Nakuhaan pa kini og sample adiser namatay ug gihulat pa sa DOH-ang resulta sa test sa gipadala nilang sample
