Biyahe sa mga sakyanang pandagat sa Surigao, gisuspende sa Philippine Coast Guard

BUTUAN CITY – Gisuspende na sugod kaganinang buntag sa Philippine Coast Guard kon PCG-Surigao del Norte ang paglawig sa tanang mga sakyanang pandagat sa Dinagat Islands Province ug sa pipila ka lungsod sa Surigao del Norte.

Sigon ni PCG-Surigao del Norte Station Commander Lawrence Roque, kini subay na sa pagsulod na sa Philippine Area of Responsibility sa bagyong Ursula hinungdan nga apil sa gi-isa karon sa public storm signal number 1 ang Dinagat Islands province, Surigao del Norte apil na ang Siargao Islands.

Ibalik lang matud pa ang biyahe sa maong mga isla higayong mumaayo na ang lakat sa panahon sa maong mga lugar.