BUTUAN CITY – Gibakwi ni Jeff Crisostomo, tigpamaba sa Dinagat Island provincial government ang kabalaka sa ilang mga kababayan sa mikaylap nga text messages kalabot sa matud pa magnitude 8 nga linog nga mu-igo sa ilang lalawigan.
Sa eksklusibong interview sa Bombo Radyo Butuan, gipadayag sa opisyal nga wala’y si kinsa mang makatagna sa matigayong linog bisan pa ang mga international volcanology organizations rason nga peke ang maong text brigade.
Dugang pa sa opisyal, inay nga pakalmahon ang mga tawong tensyunado tungod sa sunod-sunod nga linog, mas musamot matud pa sila pag-panic.
Sigon ni Crisostomo, wala’y angayang ikabalaka ang tanang mga residente sa maong probinsiya ilabina kay ang Dinagal Islands awardee man sa Civil Service Commission kon CSC tungod sa ilang mga personahe ug empleyado nga andam mutabang panahon sa emerhensiya og kalamidad.
Subay niini nagpahinumdum ang opisyal ngadto sa tanan nga dili gilayon mutuo sa mga balitang dili gikan sa mga lehitimong sources.
Alayon niini, iyang gipanawagan nga magkahi-usa ang tanan sa pagtabang sa mga biktima sa sunod-sunod nga linog ilabina sa Cotabato ug Davao Areas.
