BUTUAN CITY – Dakong garbo ang gibati sa mga Butuanons human nag-viral ang mga hulagway sa usa ka magtutudlo sa Saint Joseph Institute of Technology kon SJIT ning siyudad sa Butuan nga nag-atiman sa anak sa iyang estudyante aron lang maka-take og exam.
Sigon ni teacher Clariz Jane Lasala, usa sa iyang mga estudyante ang mihangyo kaniyang mu-excuse una sa gitakda nang exam tungod kay wala’y mubantay sa iyang anak.
Apan gipamugos ni Lasala ang pagpa-exam sa maong estudyante dayong boluntaryong siya na ang magbantay sa bata rason nga gikuhaan siya og hulagway sa iyang mga estudyante og gi-post sa social media.
Sa iyang post, gipadayag ni Lasala nga ang maong kasinatian gihatag kaniya gikan sa Kahitas-an aron makatabang sa laing tawo ug gikonsidera niya kining blessing.
Nabati niya ang hingpit nga pagkabulahan sa maong kasinatian.
Nalipay usab siya dihang nasayran nga parehong naningkamot ang ginikanan sa bata alang sa ilang kaugmaon ilabina sa ilang anak.
Nasayrang fresh graduate si Lasala gikan sa Xavier University-Ateneo de Cagayan ug nagtudlo og Business Finance sulod sa halos unom ka mga buwan.
