BUTUAN CITY – Gi-develop sa usa ka Spanish fashion brand Sepiia, ang Ultimate Smart Shirt 3.0 – usa ka special men’s garment nga gika-ingong makapakunhod sa stress sa magsuot niini, mupalambo sa blood flow ug mupataas pa sa energy levels.
Ang Sepiia dugay nang nag-develop og smart clothing sulod na sa pipila ka mga tuig.
Ang ilang unang generation garments nag-incorporate sa staining-resistant fabric palibot sa kwelyo hinungdan nga mamahimo na kining dili labhan kanunay.
Samtang gi-introduce sa ilang second generation shirt ang mas breathable fabric nga magpalikay sa sobrang pagpaningot ingon man sweat patches, ilabina kung anaa ka sa gawas.
Ang ilang latest generation sa smart clothing, gi-introduce sa Sepiia ang konsepto sa wellness, pinaagi sa pag-develop og fabric nga duna sa tanang mga characteristics sa kanhi generations, apil na ang bag-ong bioceramic nanoparticles nga nakapalambo sa well-being sa musuot niini.
Gika-ingong ang bioceramic nanoparticles sa yarn mao ang mu-reproduce sa FIR kon Far Infrared Rays nga ma-emit pinaagi sa adlaw.
Ang ka-init nga makuha gikan sa mga silaw sa adlaw musunop sa panit sa nagsuot sa shirt nga maka-ayo sa muscles, joints ug blood vessels pinaagi sa pag-promote sa vasodilation nga maoy magtugot sa mas daghang nutritional substances, oxygen, white blood cells ug antibodies nga mu-abot sa tissue.
Makapakusog pa usab kini sa pagtangtang sa mga catabolites gikan sa tissue.
Ang bioceramic material sulod sa yarn musunop usab sa mga delikadong UV-A ug UV-B ultraviolet rays, rason nga maprotektahan ang panit sa musuot niini og mu-reflect sa silaw sa adlaw hinungdan nga mamugna ang virtual heat barrier, rason nga mas komportable na ang musuot niini.
Ang maong Ultimate Smart Shirt 3.0 makapaspas usab sa metabolism, maka-regulate sa pH level sa panit og makapalikay sa buildup sa uric acid nga maoy hinungdan sa pagsakit sa mga ligaments ug mga bukog.
Kung hi-usahon kini mga mga characteristics mupakunhod kini sa stress ug kalapoy sa lawas hinungdan nga mulambo gyod ang well-being sa musuot niini.
