BUTUAN CITY – Nahuna-hunaan na sa mga paring Orthodox sa Tver Oblast region sa Russia, ang paghimo sa pinakadakong lakang aron maluwas ang ilang congregations gikan sa mga maka-adik nga sala sama sa paghubog-hubog ug pakighilawas.
Misakay sila sa usa ka private airplane dayong wisi-wisi og holy water sa rehiyon sa Tver aron mahinluan kini gikan sa maong mga sala.
Ang mga opisyal sa metropolitan Savva sa Tver ug Kashinsky uban nila Father Alexander Goryachev ug laing duha ka mga membro sa Russian Orthodox Church ang mihimo sa pinasahing aerial blessing ning mi-aging adlaw, isip paghandom sa All-Russian Sobriety Day.
Misakay sila sa gamay nga abyon bitbit ang 70-litros sa holy water ug duha ka mga icons – ang “Inexhaustible Chalice,” nga gika-ingong makatambal sa mga tawong adik na sa ilimnong makahubog ug sa illegal nga druga.
Sakay usab sa abyon ang magti-ayon kon diin ang bana milagrong nauli-an gikan sa alcohol addiction tungod sa pagbendisyon gamit ang bendita.
Human mi-take off gikan sa usa ka airfield duol sa siyudad sa Tver, gitangtang sa mga clergymen ang ilang safety harnesses, dayong bukas sa airplane door og nag-ampo adiser giwisi-wisihan og holy water ang tibuok siyudad.
Sigon ni Father Alexander Goryachev, ang bisan unsang sakit nagikan sa virus ug ang virus demonyo rason nga holy water ang ka-agbat niini.
Dihang gipangutana si Fr Goryachev kung seryusuhon ba sa mga tawo ang gihimo nilang aerial blessing, gipadayag niini nga pasagdan lang nila nga kataw-an sa mga tawo ang ilang gihimo basta ang importante nga gihimo nila ang ilang trabaho.
Bisan og weird paminawon apan kini na ang ikaduhang aerial blessing ang natigayon tungod kay niadtong Hunyo, usa ka Colombian Bishop ang misakay usab og helicopter og nagpa-ulan og holy water aron hinluan ang usa ka siyudad sa Colombia gikan sa nagakahitabo nga daghang kremin.
