BUTUAN CITY – Na-rescue sa kapulisan ug mga personahe sa ‘Bantay Dagat’ kagahapon sa ala-1:00 sa hapon ang tulo ka mananagat nga lima ka adlaw nang nagpalutaw-lutaw sa kadagatang sakop Sta. Monica, Surigao del Norte.
Gisugdan ang rescue operation human gikataho ang ilang pagkawala sukad niadtong Agosto 4, human mibiya sa lungsod sa Socorro aron managat taliwa sa bagyong Hanna.
Giila ni Brigadier General Gilberto DC Cruz, Regional Director sa Police Regional Office kon PRO- 13 ang mga mananagat nga sila Ador Varquez, 49-anyos, residente sa Brgy Sering, Socorro, Surigao del Norte; Clifford Mante, 27-anyos, residente sa Brgy Rizal, Socorro, Surigao del Norte; ug Jerry Boiser,25-anyos nga lumolupyo sa susamang lugar.
Sigon ni Brigadier General Cruz, mitiklaob ang ilang bangkang pangisda human gihapak sa dagkong balud dihang miabot sila sa kadagatang sakop sa Siargao Islands.
Bisan pa man nga lima ka adlaw silang nagpalutaw-lutaw sa dagat nga walay pagkaon ug tubig, milagro silan g naka- survive.
Gikostudiya na sila Sta Monica Municipal Police Station ug gikatakdang dalhon ngadto sa ilang tagsa-tagsa ka pamilya karong adlawa.
