BUTUAN CITY – Duha ka minero ang patay human gitu-uhang nalarag sa makahilong kemikal sulod sa karaang tunnel sa minahan.
Naila ang mga biktimang sila Eman Escropulo Diaz, 20 anyos, ulitawo ug Mark Anthony Escropulo Diaz, 30 anyos, parehong taga-Brgy. Aurora, Taganaan, Surigao del Norte.
Base sa inisyal nga imbestigasyon, pasado alas 8:00 sa buntag nibiyahe ang duha ka-uban ang laing tulo sa Duyangan, Brgy. Laurel, alang sa small scale mining operation sulod sa karaang tunnel.
Una matod pang nisulod si Eman nga gisundan ni Mark apan wala na makagawas pa pasado alang-11:30 sa buntag hinungdan nga nagdesisyon si Rito Cruzado nga sudlon kini.
Dinhi iyang natimahuan ang makahilong baho ug ang pagkadiskubre sa patay’ng lawas sa duha ka biktima kansa hingpit nga napagawas pasado alas 1:40 sa hapon.
Base sa post mortem examination ni Dr. Benjelita Pospia-Notada, nasuta nga ang hinungdan sa kamatayon sa duruha mao ang pulmonary failure secondary to pulmonary congestion.
