BUTUAN CITY – Padayon pang gi-ila sa mga otoridad ang identity sa usa ka lalaking napalgan nang wala’y kinabuhi nga naglutaw sa Agusan River partikular sa Brgy. Pagatpatan ning siyudad sa Butuan.
Sigon ni Kapitan Ronielen Olande, usa ka Roderick Racaza matud pa ang nakakita sa patay’ng lawas dihang gidalikyatan niini ang iyang sapyawan sa suba nga bahin kaganinang alas-5:30 sa buntag.
Nagkulob matud pa ang biktima rason nga daling miduol ang maong mangingisda ngadto sa usa sa ilang mga barangay kagawad og daling gitaho ngadto sa buhatan sa kapulisan.
Sigon ni Kapitan Olande, nasangit matud pa sa water lily ang biktima rason nga wala na kini makapalayo pa sa hingpit.
Dali usab nga miresponde ang ginsakpan sa Philippine Coast Guard rason nga daling nahaw-as gikan sa suba ang biktima og gihimo ang dugang pang eksaminasyon aron masuta ang hinungdan sa iyang kamatayon.
Kini na ang ikatulong patay’ng lawas nga narekober gikan sa Agusan River sulod lang sa 24-oras human unang nakaplagan kagahapong adlawa ang patay’ng lawas sa managsoong Nigel, 9-anyos og 11-anyos nga si Patricia Batuig.
