BUTUAN CITY – Gihari-harian sa halos mga Pinoy anglers ang maroyiya sa kategoriya sa 12th Siargao International Gamefishing Tournament nga gipahigayon sa lungsod sa Pilar, Siargao Island, lalawigan sa Surigao del Norte.
Base sa gipagawas nga official result sa Surigao del Norte Provincial Tourism Office, sa pagpanguha og bill fish kon liplipan, nanguna si Beunaventura Guerso Jr. nga taga-Bacoor, Cavite human nakakuha og 33.50-kilos nga klase sa maong isda.
Gisundan kini sa taga-Pilar lang nga si Sotenes Aparente kinsa nakakuha og 31.50-kilos nga liplipan og ikatulo si Muhammed Aboushahin sa Egypt kinsa nakakuha og 30.40-kilos nga liplipan.
Samtang sa pagpamasol og Dorado, nanguna si Jose Mari Lonzon sa Singapore human nakakuha og kapin 9-kilos nga gisundan sa mga Amerikanong sila Paul Minor Sr. og Greg Laude kinsa parehong nakakuha og tagkapin otso og 7-kilos nga isdang Dorado.
Sa isdang Wahoo usab, nanguna si Greg Laude sa Amerika human nakakuha og kapin 10-kilos nga gisundansaa Pinoy nga sj Elmer Tiu, taga-Surigao City kinsa nakakuha og Hapon nga si Ryota Hidaka kinsa nakakubit og 9.8-kilos nga Wahoo.
Samtang sa Giant Trevalley, nanguna niini ang Butuanong si Dulfuss Nollora kinsa nakakuha og kapin sa 6-kilos sa maong isda nga gisundan sa mga Amerikanong sila Paul Minor Jr. og Noli Manage kinsa nakakuha og tag-kwatro og tres kilos matag-usa.
Sa laing kategoriya usab alang sa lain pang klase sa mga isda sama sa Baracuda, Mangagat, Tuna og uban pa, nanguna si Marfin Tan sa Gensan og nila Inocencio Ynsierto sa Lapu-Lapu City og Dulfuss Nollora sa Butuan.
Nahimong overall catch champion si William Que sa Mandaue City.
