BUTUAN CITY – Subay sa nagka-init nga pagpangampanya tungod sa nagkaduol na nga eleksyon, nagpagawas na og pamahayag si Agusan del Norte Governor Ma. Angelica Rosedell Amante-Matba sa mga rason nganong iyang gi-atbangan ang iyang igsoong si incumbent Congressman Erlpe John Amante sa ikaduhang distrito sa maong lalawigan.
Giklaro sa gobernadora nga dili na matud pa niya palabyon pa ang pagdaut sa kongresista sa bansagong gi-ampingan sa ilang mga ginikanan sa taas nga katu-igan og gibilin sa ilang mga kamot.
Sigon ni Governor Matba, dili na niya matulon nga ang milyunes pesos nga kwartang mamahimong itabang unta ngadto sa mga Agusanon, mahurot lang sa sugal sa iyang maguwang nga kongresista didto sa casino.
Apan ang dili matud pa niya madawat mao ang pagka-protector matud pa sa magbabalaud sa illegal nga druga kondiin nasayod matud pa niini ang taga-Philippine Drug Enforcement Agency kon PDEA.
Gawas pa kini sa mga illegal nga sugal matud pang gikuptan niini dinhi sa lalawigan niadtong panahong mao pa kini ang gobernador og apil matud pa niini ang swertres og ang illegal logging diin duna siya’y makuhang bahin.
Gipa-abot na kini nga isyu ngadto sa kampo sa kongresista kondiin gibutyag niining kabahin lang kini sa away sa pulitika.
