BUTUAN CITY – Gikumpirma ni Eric Gallego – information officer sa Department od Environment and Natural Resources kon DENR-Caraga nga ubay-ubay na nga mga tourist establishments og homestay accomodations sa lungsod sa General Luna sa Siargao Island, Surigao del Norte ang milapas sa environmental laws.
Kini subay na sa nagpadayong operasyon og evaluation sa napulo ka mga teams nga milangkob sa Task Force Siargao kansa gitahasan sa DENR-Central Office aron minotoron ang mga malapason sa balaud sa kina-iyahan.
Sa eksklusibong pakighinabi ning sibyahan, gibutyag ni Gallego nga dul-an usa ka libo na ang ilang nasusi og daghan na matud pa sa maong mga establisamiento ang nag-ukupa sulod sa 20-meter easement coastline regulation.
Nasayrang tungod sa kapaspas og maayong dagan sa evaluation sa task force, gila-umang mas sayo kaysa eskedyol ang pagtapos sa ilang trabaho. Kontento matud pa si DENR-Caraga regional executive director Felix Alicer sa ilang trabaho og ang resulta sa evaluation, ipa-abot pa sa operation center sa task force alang sa pag-analisa aron isubmite ngadto sa ilang sentrong buhatan alang na unya sa pag-aksyon.
Human sa General Luna nga mao ang haven sa mga international surfing competitions, isunod gilayon pagsusi ang uban pang mga lungsod sa nasangpit nga isla.
