BUTUAN CITY – All set na ang lokal nga kagamhanan sa Cantilan, Surigao del Sur sa himuong 6th National Cantilan Surfing Competition karong Marso 22 hangtud 24, sa Parola Surf Spot sa maong lungsod.
Excited ang Cantilan-LGU nga i-showcase ang Cantilan waves aron padayong dagsaon sa mga surf athletes ang ilang lungsod ilabina kay mag-promote kini sa 100-porsientong plastic-free event.
Duna kini’y registration fee nga 500 pesos alang sa ihatag nga souvenir t-shirt, welcome dinner og victory party dinner sa musalmot nga mga surfers sa tibuok nasud.
Mudawat sila og online registration sa ilang email add nga cantilansurf@gmail.com samtang sa on-site registration, mamahimong ‘first come, first serve’ basis kini tungod kay limitado lang hangtud sa 100 ka mga surfers ang maong kompetisyon.
Tungod kay plastic-free, nanawagan ang mga organizers sa tanang musalmot og mutambong nga magdala sa ilang kaugalingong tumblers alang sa bawon nilang tubig tungod kay magbutang sila og water stations sa event venue. (Beth Ruiz)
