BUTUAN CITY – Gikumpirma ni Eric Gallego – information officer sa Department of Environment and Natural Resources kon DENR-Caraga nga sa unang adlaw pa lang sa trabaho sa Task Force Siargao, ubay-ubay nang mga establishemento ang nakitaan og pagsupak sa environmental laws.
Sumala pa sa opisyal sa eksklusibong pakighinabi sa Bombo Radyo Butuan, sa pagsugod sa trabaho kagahapong adlawa, gikatag ang mga ginsakupan sa Task Force sa nagkadaiyang dapit sa General Luna.
Gibisita matud pa ang mga panimalay og gisusi ang mga establishemento diin e-submite gelayon ang report.Si Gallego ang na-destino sa operation center diin siya ang modawat sa report nga isubmite usab ngadto sa rehiyunal nga opisina sa DENR.
Gikan sa maong opisina, isubmite kini sa kalihim nga mao nay mag-evaluate kung unsay angayang lakang nga himoon.
Sa unang adlaw matud pa, daghang mga establishemento ang dunay poor og inadequate nga laboganan sa hugaw.
Nasayran nga 12 ka adlaw silang anaa sa General Luna aron lang sa pagsusi sa mga establishemento nga maoy magsilbing basehan sa disesyon unya sa central office sa DENR. (Rolan Janea)
