BUTUAN CITY – No comment pa ang mga tag-as nga opisyal sa lokal nga kagamhanan sa Lingig, Surigao del Sur og kapulisan sa maong lungsod, apil na sa lalawigan og sa Caraga Region human nalakip sa gipagawas nga narcolist kagabii ni Pangulong Ridrigo Duterte si Lingig Mayor Roberto Jimmy Luna Jr.
Kini samtang padayong gipaningkamotan usab ning sibyahan nga makuhaan og reaksiyun si Mayor Luna kalabot sa pagkalakip niya sa gi-alegahang nalambigit opisyal sa kagamhanan nga nalambigit sa transaksyun sa illegal nga droga.
Hangtud sa pagkutlo ning balita, wala pa makutay ang linya ni Mayor Luna alang sa iya untang reaksyon.
Ang pagkalakip ni Mayor Luna sa maong listahan, naghatag karon og kalibog sa sa tanan og boomerang matud pa human nga gideklara nang drug-free ang tibuok lalawigan sa Surigao del Sur.
Mahinumdumang grabe ang kasuko ni Pangulong Rodrigo Duterte dihang gibasa niya kagabii sa Davao City ang narcolist og na-apil ang pangalan sa maong mayor. (Rolan Janea)
