BUTUAN CITY – Namintina sa Police Regional Office kon PRO-13 ang pagka-number 1 sa Crime Solution Efficiency kon CSE alang sa bulan sa Enero og Pebrero ning tuiga 2019.
Sigon ni Senior Supt James Goforth, hepe sa Regional Investigation and Detective Management Division, natangag sa PRO-Caraga ang rating nga 89.32 porsiento nga gisundan sa National Capital Region Police Office sa 88.32 porsiento isip ikaduha og Police Regional Office II sa 86.99% isip ikatulo.
Sa duha ka mga bulan sa 2019, ang katibuk-ang kremin sa rehiyon miabot sa 1,359 nga gilangkuban sa 236 ka index crimes ug 1,034 non-index crimes og sa 1,359 ka gidaghanon sa kremin, 1,187 ang nasolbad sa kapulisan.
Gipasalamatan ni PNP-Caraga Regional Director Police Brigadier General Gilberto DC Cruz, , ang kumunidad, ubang law enforcement agencies ug tanang stakeholders nga nakatampo sa tinguhang pagsolbad sa kaso.
Ang Crime Solution Efficiency usa ka percentage sa nasolbad nga kaso sa katibuk-ang number of crime incidents nga gihawiran sa PNP sulod sa gihatag nga panahon. (Rolan Janea)
