BUTUAN CITY – Gi-atiman na sa kapulisan og sa school staff sa Libertad National High School sa Brgy. Libertad ning siyudad sa Butuan, ang usa ka Grade 7 student human naluwas gikan sa initial challenge nga gihatag kaniya sa gidula-ang ‘Momo Challenge.’.
Sa eksklusibong interview sa Bombo Radyo Butuan, gipadayag ni school principal Dennis Roa nga tungod sa nakat-unan nila sa gipahigayong awareness campaign batuk sa maong app niadto lang Lunes, rason nga namatikdan gilayon sa ilang magtutudlo ang pipila sa mga simtomas sa batang biktima na sa ‘Momo Challenge.’
Kaganinang alas-dies sa buntag dihang namatikdan sa usa sa iyang mga magtutudlo ang grabe ka stress og paghilak sa bata og sa ilang pagsusi, dinhi nila nakita ang mga laslas sa iyang tuong pulso nga kagabii pa niya gihimo human matud pa gimando sa maong app.
Padayon pa ang gihimong counseling sa bata og gitawag og gikostudiya na sa Butuan City Police Station 3 ang estudyante samtang gipatawag ang mga ginikanan niini aron aksyunan ang maong problema. (Beth Ruiz)
