BUTUAN CITY – Giklaro ni Bislig City Mayor Librado Navarro nga kinahanglang ipadayon ang pagpahunong na sa investment scam sa KAPA International Ministry Incorporated. Kini human nagpagawas og cease and desist order ang Securities and Exchange Commission kon SEC.
Sigon ni Mayor Navarro sa eksklusibong pakighinabi sa Bombo Radyo Butuan, dili na kinahanglang paminawon ang mga bagutbot sa mga membro sa KAPA nga dili panginlabutan ang ilang operasyon sa rasong wala matud pa’y nangreklamo.
Gani giklaro sa mayor nga na-andan na usab nga modus sa KAPA ang pagbayad nila sa ilang mga reklamanteng mugukod kanila sa korte ilabina sa mga lugar nga ilang biyaan higayong mubalog ang ilang minaro nga operasyon og mubalhin sa laing lugar diin subli silang makapangilad.
Gidugang sa mayor nga bugtong ang motion for reconsideration na lang o kaha ang ilang pag-apela sa Korte Suprema ang makapapugong sa implementasyon sa maong cease and desist order. (Beth Ruiz)
