BUTUAN CITY – Nailhan na ang lalaki sa Bislig City sakop sa Surigao del Sur nga namatay human nadat-ugan sa fire truck nga muresponde unta sa sunog sa Purok Sukubon, Brgy. Tabon, Bislig City pasado alas-10:30 sa sayong buntag kagahapon.
Sigon ni Fire Insp. Abelardo Silverio, under construction pa ang ilang tulay rason nga didto sila mi-agi sa diversion road og wala nila damha nga sa paglabang sa ikaduhang firetruck mahugno kini rason nga nadat-ugan si Gary Ruaya, 29-anyos, minyo, residente sa maong barangay resulta sa iyang hinanaling kamatayon.
Sa kinatibuk-an, mi-abot sa 93 ka mga panimalay nga gama sa light materials ang na-ugdaw samtang pito ang partially burnt na naka-apekto sa 115 ka mga pamilya o 416 na mga indibidwal kinsa gihikling na sa duha nila ka mga covered courts. (Beth Ruiz)
