BUTUAN CITY – Karong adlawa buhian sa rebeldeng New People’s Army kon NPA ang nahabiling walo sa 16 nila ka mga gibihag sa mga tropa sa gobyerno human ang malampusong pagbuhi usab sa duha kagahapon.
Kini ang gibutyag sa nagpa-ilang si Ka Sandara – tipamaba sa Northeastern Mindanao Regional Command sa NPA.
Sa eksklusibong pakighinabi ning sibyahan, gibutyag niining ang nahabiling walo, kompletong makabalik sa kiliran sa ilang pamilya karong adlawa og kini mapamatud-an matud pa kung ma-interview na ang maong mga bihag.
Gidugang ni Ka Sandara nga wala’y angayang kabalak-an sa panglawas sa ilang mga bihag tungod kayanunay silang gi-check up samtang anaa sa ilang mga kamot og kamatu-uran matud pa niini ang ilang pagpanambok.
Giklaro usab ni Ka Sandara nga wala’y bugti nga salapi ang ilang pagbuhi sa ilang mga bihag tungod kay igo na ang gipangayo nilang temporaryong paghunong sa military operations.
Kini isip na usab good gesture nila tungod sa pagbalik sa kagamhanan sa hinabing pangkalinaw tali sa National Democratic Front of the Philippines. (Beth Ruiz)
