BUTUAN CITY – Padayon pang gi-ila ang duha ka pasaherong inisyal nga natalang nagrabehan sa mga pasahero sa usa ka bus nga na-angol human kini midumbol sa nakaparada lang nga 10-wheeler truck nga kargado og kahoy’ng Falcatta.
Natigayon ang maong insidente kaganinang ala-1:30 sa kaadlawon sa national highway sa Brgy. 2, lungsod sa Buenavista, Agusan del Norte.
Sigon sa nakasaksi sa maong hitabo nga si Lando Mamba, driver sa de-pasaheruang motorsiklo, nakaparada lang matud pa ang trak nga duna’y plaka numbero KVS-916 tungod kay nama-init man ang mga sakay niini dihang kalit nga midumbol sa samputan nga bahin ang bus nga gikan sa Cagayan de Oro city og padulong unta dinhi sa Butuan.
Kapin usa ka oras matud adiser nakuha gikan sa iyang nahimutangan ang tiguwang matud pa nga lalaking anaa naglingkod sa atubangang bahin nga na-ipit sa nadamyos nga sakyanan.
Samtang gibutyag usab sa laing nakasaksi mga si Aya Marie nga nakita usab niya ang bata nga apil sa na-angol kondiin ang migawas matud pa nga sip-on sa iyang ilong duna’y sagol nga gagmay’ng bildo nga gitu-uhan niyang gikan sa mga nabu-ak nga samin sa bus.
Nagkadugo usab matud pa ang ulo sa bata.
