BUTUAN CITY – Dakong kada-ugan sa dakbayan sa Butuan ang pag-ila na sa Espanya nga dinhi sa dakbayan sa Butuan og dili sa Limasawa, Leyte nahitabo ang unang misa sa simbahang Katoliko sa Pilipinas.
Gikumpirma kini ni sa historian priest nga si Fr. Joesilo Amalla kinsa usa sa mga local historians nga nanghingusog sa kamatu-uran sa maong kasaysayan.
Atol sa silver anniversary sa Bombo Radyo Butuan diin ang maong pari ang nagbendisyon sa sibyahan, 25 ka tuig na ang nakalabay, gibutyag niini nga ang pagkumpirma sa Espanya, base na usab sa kamatu-uran nga ang Magallanes expedition particular ang pag-circumnavigate sa kalibutan sa unang higayon, proyekto maong nasud.
Ang Portuguese matud pa nga si Ferdinand Magellan nga milaban na sa Espanya maoy gihimong kapitan sa nasangpit nga ekspedisyon nga gilangkuban sa lima ka mga bangko.
Pinaagi sa mga ebidensyang gikuptan sa mga local historians, mihimo og cartographic analysis ang mga Spanish historians gamit usab ang mga karaang mapa nga gigamit sa Magallanes expedition.
Dinhi gipaboran matud pa sa Espanya ang claim sa Butuan nga sa Mazaua natigayon ang unang misa sa Pilipinas niadtong Marso 31, 1521.
Gihimo matud pa sa mga Spanish historians ang ilang sesyon alang niininga katuyuan didto sa ilang nasud.
Human ang pag-ila sa Butuan diin gihimo ang unang misa, nagpadala na usab matud pa ang mga Spanish historians og sulat ngadto kang Philippine National Historical Commission Chairman Rene Escalante.
Tungod sa maong sulat, wala na makatingog pa niini ang nasangpit nga komisyon kansa pabor matud pa sa Limasawa. (Beth Ruiz)
