BUTUAN CITY – Nakatutok karon ang Department of Tourism kon DOT-Caraga sa mga programa aron makakuha ug accreditation ang mga establishamento sa Siargao Island.
Kini dungan sa pag-angkon ni Maria Ana Nuguid, Regional Director sa DOT-Caraga nga sa kapin usa ka gatus ka mga establishemento sa maong isla, miabot lang sa 40 ang nakakuha og Environmental Compliance Certificate kon ECC.
Nasayrang mas gipahugtan pa mila ang pag-monitor sa mga lugar sa Siargao Island nga ipa-ilalom sa rehabilitasyon human gipadayag ni Tourism Sec. Bernadette Romulo-Puyat nga kini ang isunod nga i-rehab.
Sigon ni Nuguid, tan-awon nila ang tanang dapit sa isla aron masuta kung asa ang angayang ipa-ilalom sa rehabilitasyon.
Karong adlawa, makigpulong ang opisyal ngadto kang Department of Environment and Natural Resources kon DENR-Caraga Felix Allecer aron hisgutan ang dugang nga mga lakang nga himuon alang sa maong isla.(Bombo Rolan Janea)
