BUTUAN CITY – Malampusong narekober sa mga personahe sa Butuan City Intelligence Branch ug City Mobile Force Company sa pakig-alayon sa 23rd Infantry Brigade of the Philippine Army ang daghang mga gamit panghimo og bomba sa may Purok 14, Sitio Kauswagan, Brgy. Bit-os, Butuan City, sa nakalabay nga adlaw.
Lakip sa mga nakumpiska ang 356 ka piraso sa electric blasting caps nga dunay 5 metros nga katas-ong leg wire ug 184 ka buhing bala sa kalibre 5.56 ammunition.
Ang nakuhang mga butang, gisulod sa duha ka ice buckets ug duha ka plastic containers nga gisulod usab sa duha ka sako.
Ang mga ginsakpan sa Explosie Ordinance Disposal k kon EOD Team sa Butuan City Mobile Force Company ang mihawid sa mga narekober nga butang alang sa tukmang disposasyon.
Sumala pa ni PCSupt Gilberto DC Cruz, PRO13-director, nahimong nagmalampuson ang operasyon human gitug-an kini sa mga kanhe rebelde atoll sa debriefing sa Butuan City police.
