BUTUAN CITY – Nakakuha og unanimous votes atol sa ikatulo og katapusang pagbasa ang House Bill 7070 nga nagdeklara sa balangay boat kansa gi-ila usab nga Butuan isip ‘National Boat’ sa Pilipinas.
Sa eksklusibong pakighinabi sa Bombo Radyo Butuan, gipadayag ni Butuan City og Agusan del Norte First District Rep. Lawrence Lemuel Fortun nga sa tanang kongresistang mitambong sa pagdungog kagahapon, pabor ang tanan sa maong sugyot-balaudnon, rason nga wala’y misupak og wala usa’y mi-abstain.
Nasayrang atoll sa pagdungog, anaa ang presensya sa mga representante sa Department of Education, National Historical Institute, National Museum og uban pang mga ahensya sa gobyerno nga nagtutok sa kultura og kasaysayan sa nasud.
Na-aprubahan matud pa kini human napruybahan sa research og sa kasaysayan nga angayan kining ideklarang nasundong bangka sa Pilipinas.
Gipasabot sa kongresista nga tungod kay dinhi kini sa Butuan naggikan kon nag-originate rason nga tawgon kining Butuan boat.
Cover matud pa sa maong deklarasyon ang tanang Balangay boats nga makita sa ubang mga lugar gawas sa dakbayan sa Butuan.
Tungod niini, i-transmit gilayon nila kini sa Senado og mala-umon ang kongresista nga suportahan kini sa mga senador tungod kay wala siya’y nakitang rason aron ila kining supakon. (Beth Ruiz)
