BUTUAN CITY – Gikumpirma ni P/Chief Insp. Darwin Yu – hepe sa kapulisan sa Esperanza, Agusan Del Sur nga ang rebeldeng New People’s Army kon NPA ang responsable sa pagdagit-patay sa usa ka kagawad sa barangay Valentina sakop sa maong lungsod.
Mahinumdumang niadtong Enero 25 sa alas 6:00 sa sayong gabii, pugsanong gisulod ang balay sa biktimang si Rolando Perez Insayoy, 31-anyos nga taga Purok-2, Barangay Valentina sa mga armadong lalaki og pugsanong gidagit.
Sa eksklusibong pakighinabi sa Bombo Radyo Butuan, gibutyag ni Insp. Yu nga kagahapon lang sa buntag dihang giteksan matud pa ang igsoon sa biktima gamit ang iyang cell phone nga kuhaon ang patay’ng lawas niini sa Brgy. Mantuganoy, lungsod sa San Luis, sa susamang lalawigan.
Panimalos matud pa ang posibleng motibo sa kremin tungod kay mao matud pa kini ang nag-awhag sa iyang pag-umangkong rebelde nga mutahan na og balik sa gobyerno.
Ang iyang pag-umangkon usab matud pa ang gihimong guide sa kasundaluhan sa nahimutangan sa iyang mga kanhi ka-ubanan nga miresulta sa entgkwentro og kamatayon sa pipila ka mga rebelde.
Napalgan ang biktimang gilubong na sa mabaw lang nga gikabutang yuta og gibinaklid pa paggapos ang iyang mga kamot og duna’y upat ka mga samad-dinunggaban sa nagkada-iyang parte sa iyang lawas nga maoy hinungdan sa iyang kamatayon. (Beth Ruiz)
