BUTUAN CITY – Migawas sa pakisusi sa mga opisyal sa Brgy. Pangaylan sa lungsod sa Santiago, Agusan del Norte nga wala marehistro sa ilang barangay ang mga minerong biktima sa landslide sa Mt. Manhupaw.
Makapamatuod matud pa niini ang pinuy-anan sa unom nga parehong taga-Carmen, Surigao del Sur gawas sa laing usa nga taga-Sibagat, Agusan del Sur.
Sigon ni Erma Suyo, bisan ang mga taga-Department of Environment and Natural Resources kon DENR-Caraga, dili pa makatumbok kung sakop ba gyod sa Agusan del Norte ang lugar nga nahitabuan tungod kay utlanan na man kini sa lalawigan sa Surigao del Sur.
Nasayran lang matud pa ang ginahimo sa maong mga minero human ang landslides tungod sa survivor nga si Allan Daging kinsa mipatighulog sa lungsod sa Santiago nga sakop sa Agusan del Norte.
Samtang bisan og taga-Surigao del Sur ang namatay nga mga minero, mitunol gihapon og 10-mil pesos nga hinabang pinansyal ngadto sa pamilya sa matag-minerong namatay aron duna‘y ilang magamit sa paghaya sa mga biktima gawas pa sa ilang pagkaon.
Nasuta usab ang mga opisyal sa provincial government sa Surigao del Sur na ang mukuha sa patay’ng lawas sa mga minero base na sa pakig-alayon sa kabanay sa mga biktima. (Beth Ruiz)
