BUTUAN CITY – Narekober na ang tanang pito ka mga minerong namatay sa landslides atol sa paghapak sa bagyong Amang sa Mt. Manhupaw sa lungsod sa Santiago Agusan del Norte.
Sigon ni Erma Suyo, Agusan del Norte-Provincial Disaster Risk Reduction and Management Officer (PDRRMO) sa pakighinabi sa Bombo RadyoButuan, ang laing tulo ka mga minerong napakanaog na og anaa sa punerarya karon sa Cabadbaran City, na-ilang sila Rene Ilagan, Jay-ai Matanog og Rex Pinig, parehong residente sa Brgy. Kinapuyan sa lungsod sa Carmen, lalawigan sa Surigao del Sur.
Ang laing tulong ipakanaog karong adlawa gikan sa Brgy. Pangaylan padulong sa sentrong bahin sa lungsod Santiago, na-ilang sila Casiano Ilagan, Tata Salahay, parehong residente usab sa Carmen, Surigao del Sur og usa ka alyas Ganggang nga taga-Sibagat, Agusan del Sur.
Dugang pa sa opisyal, bugtong mga kabanay lang sa maong mga minero ang mipahigayon og search and retrieval operation tungod kay sila ang mas nakasuhito sa maong lugar nga dead zone na og anaa sa boundary sa mga lalawigan sa Agusan del Norte og Surigao del Sur.
Mahinumdumang sa pito nga mga namatay, unang narekober ang patay’ng lawas ni Ramil Ilagan, minyo og ang naluwas usab nga si Allan Daging klinsa i-transfer na karong adlawa sa ospital sa Davao City alang sa dugang pagpatambal. (Beth Ruiz)
