BUTUAN CITY – Nakabsan na sa hinulamang kinabuhi ang magtutudlong nadala sa ospital human gibanhigan kauban sa iyang bana kagahapong adlawa sa may Barangay Anibongan, Lianga, Surigao Del Sur.
Una nang giila ni Police Chief Insp. Amus Moreno, sa Lianga Municipal Police Station sa pakighinabi sa Bombo Radyo, ang mga biktima nga sila Mark Salvador kansa on-the-spot nga napatay og ang iyang asawa nga si Solvera Salvador usa ka magtutudlo sa Barobo National Highschool, kansa nadala pa sa ospital.
Saysay pa sa opisyal, sakay ang magti-ayon sa ilang Montero sports diin gikan sa Barangay Diatagonm muadtu untana kini sa Barobo apan pag-abot sa Barangay Anibongan, Lianga, kalit nga gipaulanan ug bala ang ilang sakyanan.
Sumala pa niini, dili moubos sa 10 katawo ang mihimu sa kremin diin gamit ang mgan highpowered firearms.
Sa karun, blangko pa ang kapulisan sa motibo sa mga suspek diin halos ang tanang tawo nga nakaela sa mga biktima, nakurat sa panghitabo tungod kay mga bootang tawo matud pa ang magti-ayong biktima. (Rolan Janea)
