BUTUAN CITY – Gihikay na ang benipisyong madawat ilalom sa Enhance Comprehensive Localized Integration Program kon E-CLIP sa tulo ka opisyal sa rebelding New People’s Army kon NPA, diin ang duha niini magti-ayon, human sa ilang pagsurender sa nakalabay nga adlaw.
Na-ila ang magti-ayong rebelde nga sila alyas ‘Saskie’, 23-anyos usa ka squad leader, ug alyas ‘Althea’, 21-anyos usa ka medic, kansa pito ka bulan nga mabdos samtang ang usa pa kakaubanan niini mao si alyas ‘Rex’, 34-anyos, vice squad leader nga parehong residente sa San Luis, Agusan Del Sur.
Ang nasangpit nga kanhe mga rebelde ang nahisakop sa Platoon Peacock, Guerrilla Front 88 sa North Central Mindanao Regional Committee kansa boluntaryong mitahan sa Bravo Company, 26th Infantry (Ever Onward) Battalion nga nakabase sa San Luis, Agusan del Sur ning mi-aging adlaw.
Bitbit sa mga niini ang usa ka M16 A1 rifle nga dunay usa ka magazine, usa ka AR18 rifle inubanan sa tulo ka magazines ug usa ka shotgun, nga ang tanan dunay mga buhing mga bala. (Rolan Janea)
