BUTUAN CITY – Pasado na sa Sangguniang Panlungsod ning siyudad sa Butuan ang 1.8-bilyunes pesos nga budget alang sa tuig 2019.
Sigon ni Butuan City Councilor Cromwell Nortega, kagahapon sa mga alas 3:00 ang hingpit nga pag-apruba sa memorandum diin nakalatid ang budget nga gamiton alang sa pagpalambo ning siyudad sunod tuig.
Giklaro sa opisyal nga 10 porsiento lang ang pagsaka sa budget sa kada opisina. Lakip sa mga prayoridad nga gipondohan niini ang Edukasyon, imprastraktura u gang mga proyekto nga magprotekta sa kinaiyahan.
Samtang gitumbok usab niini nga gipaningkamutan gayud sa administrasyon Lagnada nga makakuha ug pondo gikan sa nasyunal diin giila ni Mayor Ronnie Vicente Lagnada ang pagkugi ni Congressman Law Fortun alang sa maong hisgutanan.
Sa karun, gipaneguro nalang sa konsehal nga nakasunod sa balaod ang nasangpit nga pondo dungan sa pamugos nga trabaho usab nilang e-follow-up ang mga opisina nga dapat epatuman na ang angayang proyekto alang sa kalambuan sa dakbayan.
Gilakbitan usab sa konsehal nga wala kaayu sila nagpadala sa politika hinoon nakatutuk sa ilang trabaho diha sa hawanan sa Sangguniang Panlungsod.
Samtang sa reaksiyun human nagpagawas na ug kompletong listahan sa mga mikandidatu s aka-atbang nga PDP-Laban, gibutyag niini nga mas mayo kini aron duna nay klaro silang kalaban dungan sa pagbutyag nga dili sila magpakampante sa umaabot nga piniliay tungod kay ang mga nakalaban, duna man poy mga pangalan diha sa pulitika. (Beth Ruiz)
