BUTUAN CITY – Nagpadayon ang pursuit og clearing operations sa militar batuk sa misibat nga mga rebelde human nila gibanhigan ang nagpatrolyang kasundaluhang nakabase sa Brgy. San Antonio, lungsod sa Remedios T. Romualdez kon RTR, sa lalawigan ng Agusan del Norte kaganinang sayo sa buntag.
Base sa impormasyong gipa-abot sa Bombo Radyo Butuan ni Lt. Colagong sa 29th Infantry Battalion, Philippine Army, nasayran nga ang pagpamanhig miresulta sa 30-minutong engkwentro nga misangpot sa pagkamatay sa tulo ka mga sundalo, pagka-missing sa usa pa samtang upat ka mga high powered firearms usab ang posibleng gidala sa mga rebelde.
Nasayran nga naglusad og combat patrol ang usa ka squad sa patrol base sa bisinidad sa Sitio Kaunlaran sa maong lungsod pagpanguna ni Staff Sgt. Hairulla kaganinang alas-tres sa kaadlawon og pa-uli na unta dihang sila gibanhigan human mibusikad ang usa matud pa ka anti-personnel landmine, saw ala pa masutang ihap sa mga rebelde.
Samtang wala pa gipagawas sa militar ang pangalan sa mga biktima tungod kay gipahibalo pa kini ngadto sa ilang tagsa-tagsa ka mga pamilya. (Beth Ruiz)
