BUTUAN CITY – Nahimong emosyunal ang pagbisita kagahapon ni Presidential Communication Operations Office (PCOO) chief Sec.Martin Andanar sa Ampatuan, Maguindanao, diin nahitabo ang dugoong massacre nga gikamatay sa 58 ka tawo, diin 32 niini ang mga media personalities.
Kini tungod kay siyam na ka tuig ang nakalabay human kini nahitabo niadtong 2009, komulo pa gihapon sa pagpangita sa hustisya.
Sumala pa ni Sec. Andanar sa pakighinabi sa Bombo Radyo Butuan, gipa-adtu siya ni Pangulong Rodrigo Duterte sa lugar kauban si Presidential task force on media security PTFoMS Undersecretary Joel Egco aron ipakita sa katawhan kung unsa ka-sensiro si Pangulong Duterte kansa dunay political will nga solbaron ang kasoilabina nga gihatagan ug dakong importansiya sa p an gulo ang media, hustisya, balaod ug kagawasan sa pagpadayag.
Kamatooran niini, ang chopper nga gigamit sa paglibot-libot sa maong lugar niadtong panahona nga maoy nakabalda sa paglubong sa mga patay’ng lawas sa mga biktima, personal nga gipanag-iyahan ni Pangulong Duterte nga gipahulam ngadto kang Esmael “Toto” Mangudadatu.
Gibutyag usab ni Sec. Andanar nga hapit nang makab-ot sa pamilya sa mga biktima ang hustisya tungod sa trabaho ni PTFoMS Undersecretary Joel Egco diin hugot nga misuporta kanila.
Kini gawas pa sa anunsiyo ni Department of Justice kon DOJ Sec. Menardo Guevarra nga dako ang posibilidad nga sa unang kwarter sunod tuig, 2019, mahitabo na ang promulgation sa kaso.
Sumala pa ni Andanar, ugaling kini mahitabo, dakong kadaugan kini sa pamilya sa mga biktima ug sa sektor sa tigbalita. (Rolan Janea)
