BUTUAN CITY – Temporaryo karong gawasnon human nakapiyansa ang kanhi konsehal ning siyudad sa Butuan ug kasamtangang magtutudlo human gisikop ning mi-aging alas 11:00 sa buntag sulod mismo sa eskwelahang iyang gitudlu-an.
Naila ang nadakpang si kanhi Butuan City Councilor Raul Amoc kinsa nagtudlo sa Agusan National High school.
Sigon ni Police Chief Insp. Eugene Balogo sa Criminal Investigation and Detection Group kon CIDG-Caraga gikasa nila ang Oplan Pagtugis dala ang warrant of arrest sa kasong estafa diin na-abtan nila sa eskwelahan ang target nga padulong na unta sa iyang klase.
Hinoon mi-kooperar kini hinungdang malinawon nilang nadala sa ilang buhatan.
Daling nagpiyansa si Amoc sa kantidad nga 40-mil pesos hinungdang nahatagan kini ug temporaryong kagawasan. (Rolan Janea)
